شفاعات .. 

يمكن دى اول مرة اتكلم عن اسمى زى ما بحسه .. امى سميتنى فاتن لانها كانت رافضة اتسمى دولت على اسم جدتى لابويا .. 
مع ان اسم دولت لايق عليا اكتر .. 
فاتن فيه دلال وشخلعة وانا مبعرفش اتدلع .. ولا بافهم فى فنون الاغراء .. لاسباب فى غنى عن ذكرها دلوقتى .. 
لا بحب اسمى ولا بكرهه .. بس بحسه مش شبهى .. ولا بيدل على شخصيتى .. 
كان نفسى يبقى اسمى شفاعات .. 
متهيالى انها اكبر امنية فى اشد لحظات الكرب والضيق يوم القيامة .. 
متخيل واقف على الصراط ريحة النار والشوى والتعذيب والحريق وفجأه يهل الرسول ويكلم الله ويرجوه شفاعة ويقبلها الله الشفاعة ويتحول المشهد المريع لجنه .. يااااالهووووووى ... 
متهيالى ده احلى اسم  ياريت كان اسمى شفاعات ...